काठमाडौँ, २० साउन । पेरिस ओलम्पिक–२०२४ को नवौँ दिन पनि चीन पदक तालिकाको शीर्ष स्थानमा यथावत् छ । यही साउन १२ गतेदेखि प्रतियोगिता जारी छ ।
चीन १६ स्वर्णपदकसहित तालिकाको शीर्ष स्थानमा छ । चीनले १२ रजत र नौ कांस्यसहित कुल ३७ पदक जितेको छ । यो सूचीको दोस्रो स्थानमा अमेरिका छ । अमेरिकाले १४ स्वर्ण, २४ रजत र २३ कांस्यसहित कुल ६१ पदक जितेको छ ।
तेस्रो स्थानको फ्रान्सले १२ स्वर्ण जितेको छ । फ्रान्सले १४ रजत र १५ कांस्यसहित कुल ४१ पदक जितेको छ । चौथो स्थानको अस्ट्रेलियाले १२ स्वर्ण, आठ रजत र सात कांस्यसहित २७ पदक जितेको छ ।
