काठमाडौँ, १८ साउन । काठमाडौँमा नयाँ फिल्म हल संचालनमा आएको छ ।
सामाखुसीमा रहेको सिटी स्क्वायर मलमा क्यूएफएक्स चेनले नयाँ हल खोलेको हो । बिहीबार साँझ आयोजित एक समारोहबिच अभिनेता दीपकराज गिरी, किरण केसी, रमेश उप्रेती, जितु नेपाल, निर्मल शर्मा, गायक प्रकाश सपूत र अभिनेत्री नीति शाहले हलको संयुक्त उद्घाटन गरे ।
तीनवटा पर्दाका साथ विभिन्न सुविधा सहित खुलेको हलमा ४ सय ९७ दर्शकले एकसाथ फिल्म हेर्न सक्छन् । सिटी स्क्वायर मलको नौ तल्लामा खुलेको हलको हरेक पर्दामा सोफा सेट सहित सुतेर फिल्म हेर्न मिल्ने सिटहरू जडान छ ।
३ पर्दा रहेको हलको सिट संख्या ४९५ छ । यो सँगै काठमाडौँ उपत्यकामा क्यूएफएक्स हलको संख्या ७ र काठमाडौँबाहिर १० पुगेको छ ।
