काठमाडौँ, १७ साउन । ‘सिधा कुरा’ मिडियाविरुद्धको अदालतको अवहेलना मुद्दामा फैसलाको मिति तोकिएको छ ।
सर्वोच्च अदालतका प्रधानन्यायाधीशको नेतृत्वमा गठित ९ सदस्यीय बृहत्पूर्ण इजलासले १५ दिनभित्र बहस नोट पेस गर्न आदेश जारी गर्दै भदौ ६ गतेलाई फैसलाको मिति तोकेको हो ।
‘सिधा कुरा’ले ‘द डार्क फाइल’ नाम दिएर प्रसारण गरेको सामग्रीमा सर्वोच्च अदालतका न्यायाधीशसमेत संलग्न भएर भ्रष्टाचारका मुद्दा खारेज गर्ने सेटिङ गरेको दाबी गरिएको थियो । तर, प्रसारित सामग्रीमा प्रयोग भएको अडियो फरेन्सिक परीक्षणबाट फेक प्रमाणित भइसकेको छ ।
सिधा कुराविरुद्ध सर्वोच्च अदालतका उपरजिस्ट्रार गोविन्द घिमिरेले अदालतको अवहेला भएको दाबीसहित रिट दायर गरेका थिए ।
