काठमाडौँ, १५ साउन । पल शाह र बेनिशा हमालको चलचित्र ‘कल्ली’ निर्माणको घोषणा गरिएको छ ।
रेड बर्ड प्रोडक्सन र कस्तुरी प्रोडक्सनको ब्यानरमा पल र बेनिशालाई लिएर नयाँ चलचित्र निर्माणको घोषणा गरिएको हो ।
निर्माता किरण नेपालीको प्रस्तुतिमा तयार हुन लागेको चलचित्रको नाम ‘कल्ली’ राखिएको छ । चलचित्रमा लक्ष्मण सुनारको कथा तथा निर्देशन रहनेछ । महेश दवाडीको पटकथा तथा संवाद छ ।
निर्माणपक्षले छायांकन अगावै पल र बेनिशाको गेटअप समेत सार्वजनिक गरेको छ । चलचित्रको प्रदर्शन मिति समेत घोषणा गरिएको छ । चैत २९ गतेबाट रिलिज गर्ने घोषणा निर्माणपक्षले गरेकाे छ ।
