काठमाडौँ, २७ असार । सन् २०२४ को कोपा अमेरिकाको समापन समारोहमा विश्वचर्चित कोलम्बियन पपस्टार शाकिराले प्रस्तुति दिने भएकी छिन् ।
कनमेबोलद्वारा जारी वक्तव्यमा खेल इतिहासको सबैभन्दा पुरानो प्रतियोगितामध्येको एक कोपा अमेरिकाको फाइनलमा शाकिरा प्रस्तुति दिने पहिलो कलाकारको रुपमा हुने उल्लेख छ ।
कनमेबोलका अध्यक्ष अलेजान्ड्रो डोमिङ्ग्वेजले भनेका छन्, ‘शाकिरा एक असाधारण दक्षिण अमेरिकी स्टार हुन्, जसले सारा संसारलाई चकित पारेकी छन्,’ ‘उनका गीत ग्रहका सबै कुनामा गाइन्छ र नाचिन्छन् । उनको कला सिमाना पार गरेर लाखौं मानिसमा पुग्ने गरेको छ । हामी विश्वस्त छौं कोपा अमेरिका २०२४ को स्टेजमा उनको माध्यमबाट खेलमा जोश र एकताको सन्देशलाई बढावा दिनेछ ।’
