काठमाडौँ, २२ असार । नेकपा (माओवादी केन्द्र) र नेकपा (एकीकृत समाजवादी) पार्टी आज मधेस प्रदेश सरकारबाट बाहिरिने भएका छन् ।
मुख्यमन्त्री शतिस सिंहलाई सयुक्त रुपमा राजीनामा बुझाएर सरकारबाट बाहिरिने तयारी गरेका हुन् । केन्द्रमा भएको सत्ता समीकरण फेरबदलका कारणले माओवादी र एकीकृत समाजवादीले शनिबार सरकारबाट बाहिरिन लागेका हुन् ।
माओवादीको तर्फबाट उद्योग मन्त्री बनेका युवराज भट्टराई (समीर) ले आजै सरकारबाट बाहिरिने तयारी गरेको बताए । माओवादी र एकीकृत समाजवादी सयुक्त रुपमा राजीनामा दिँदै सरकारबाट बाहिरिन लागेको उनले बताए ।