काठमाडौँ, २० असार । नेकपा एकीकृत समाजवादीका सम्मानित नेता झलनाथ खनालप्रति नेतृ रामकुमारी झाँक्रीले असन्तुष्टि जनाएकी छिन् ।
बिहीबार एकीकृत समाजवादीको दसौँ राष्ट्रिय महाधिवेशनले माधव नेपाललाई अध्यक्ष, खनाललाई सम्मानित नेता र धनश्याम भुसाललाई महासचिवमा सर्वसम्मत चयन गरेको थियो । एकीकृत समाजवादीले बाँकी १८ पदाधिकारी र केन्द्रीय सदस्यको शुक्रबार घोषणा गर्ने छ । तर सम्मानित नेता खनालले पदाधिकारीदेखि केन्द्रीय सदस्यसम्म सबै सर्वसम्मत भएको भन्दै महाधिवेशन प्रतिनिधिहरूलाई घर पठाएको नेतृ झाँक्रीले उल्लेख गरेकी छिन् ।
उनले लेखेकी छिन्, ‘अध्यक्ष र महासचिवको सर्वसम्मत गर्न म समेतको प्रयास सफल भएको हो । तर अध्यक्ष मण्डलका अध्यक्ष झलनाथ खनाललाई पदाधिकारीदेखि केन्द्रीय सदस्यसम्म सर्वसम्म गर्यौ/भयो भनेर प्रतिनिधिहरूलाई घर पठाउने म्यान्डेट कसले दियो ? को पदाधिकारी ? को सदस्य खै त खनाल कमरेड ?’
