काठमाडौँ, ८ असार । प्रभास, दीपिका पादुकोण र अमिताभ बच्चनको बहुप्रतिक्षित फिल्म ‘कल्की २८९८ एडी’ यही जून १७ मा रिलिज हुँदै छ ।
नाग अश्विन निर्देशित फिल्मलाई लिएर फ्यानहरू निकै उत्साहित छन् । किनकि फिल्ममा पहिलो पटक प्रभास र दीपिका स्क्रिन शेयर गर्दैछन् ।
फिल्मको दोस्रो ट्रेलर रिलिज भइसकेको छ । ट्रेलरलाई पनि दर्शकहरुले निकै मनपराइरहेका छन् । यही बीचमा यो फिल्मको बक्सअफिस राइट ३ सय ८५ करोड रुपैयाँमा बिकेको छ ।
पिंकविलाका अनुसार फिल्मले रिलिज अघि नै बक्सअफिस राइट बेचेर ३ सय ८५ करोडको व्यापार गरिसकेको छ । कुनै पनि फिल्मको लागि यो हाइएस्ट प्री–रिलिज इभेन्ट हो । फिल्मको आन्ध्र प्रदेश राइट्स ८५ करोड, सीडेड राइट्स २७ करोड र निजाम राइट्स ७० करोडमा बिक्री भएको छ । यसरी फिल्मको एपीटीएस व्यापार १ सय ८२ करोड छ ।
