काठमाडौँ, ८ असार । नेकपा (माओवादी केन्द्र)का उपाध्यक्ष अग्निप्रसाद सापकोटाले कम्युनिस्ट पार्टी पुनर्गठनको तयारी भइरहेको बताएका छन् ।
आज काठमाडौँमा आयोजित एक कार्यक्रममा उनले मुद्दा मिल्नेहरूसँग खुकुलो प्रकारको मोर्चा बनाएर बृहत् वामपन्थी एकीकरण गर्ने तयारी रहेको बताए ।
नेपाली जनता वामपन्थीलाई मन पराउने मात्र नभएर फेरि कम्युनिस्ट पार्टीको पुनर्गठन चाहिरहेको उनको भनाइ थियो । उनले भने, “भन्न त अहिले के भनिरहेका छन् भने– वामपन्थी एकीकरणले न सरकार चल्छ न देश चल्छ । होइन, यो विचारलाई हामी पूरै खारेज गर्न चाहन्छौँ,” “नेपाली जनता वामपन्थीहरूलाई रुचाउँछन् ।”
सापकोटाले समाजवाद भनेको गरिबी नभई सबैका निम्ति समृद्धि भएको बताए ।
