काठमाडौँ, २१ वैशाख । राष्ट्रिय स्वतन्त्र पार्टी (रास्वपा) को सचिवालयको बैठक आज बस्दैछ ।
पार्टी कार्यालयम चःमतिमा अपराह्न साढे चार बजे बैठक बस्ने छ । बैठकमा इलाम-२ को उपनिर्वाचनको समीक्षा हुनेछ । इलाम-२ को उपनिर्वाचनमा रास्वपा चौथो भएको थियो । त्यस्तै आजको बैठकमा समसामयिक राजनीतिक परिस्थिति र आगामी कार्ययोजनाबारे छलफल हुने बताइएको छ ।
प्रमुख प्रतिपक्षी दल नेपाली कांग्रेसले सहकारी ठगीमा पार्टी सभापति रहेका उपप्रधान तथा गृहमन्त्री रवि लामिछानेको संलग्ना देखिएको भन्दै संसदीय छानबिन समिति बनाउन माग गरेको थियो । उसले संसद् अवरोधसमेत गरेको थियो । रास्वपाको बैठकमा यसबारे पनि छलफल हुनेछ । यसका अतिरिक्त रास्वपाले केन्द्रीय समिति बैठकको तयारी गरेको छ । त्यसको कार्यसूचीबारे पनि यस बैठकमा छलफल हुने बताइएको छ ।
