काठमाडौँ, २७ चैत । अर्थ मन्त्रालयका ६ उपसचिवले कायम मुकायम (कामु) भन्सार प्रमुखको जिम्मेवार पाएका छन् ।
अर्थ मन्त्रालय स्रोतका अनुसार चोभार भन्सार कार्यालयको कामु प्रमुखको जिम्मेवारी युक्तप्रसाद सुवेदीले पाएका छन् । त्यस्तै, सुनसरी भन्सार कार्यालयको कामु प्रमुखको जिम्मेवारी राधेश्याम दाहालले पाएका छन् ।
त्यसैगरी धनुषाको जनकपुर भन्सार कार्यालयमा राजेन्द्र बस्नेत, मलंगवाको सर्लाही भन्सार कार्यालयमा उषा पोखरेल, रौतहटको गौर भन्सार कार्यालयमा सुजितकुमार सिंह र सिरहा भन्सारको कामु प्रमुखको जिम्मेवारी तोयनारायण सापकोटालाई दिइएको छ ।
