काठमाडौँ, २३ चैत । नेपाली कथानक चलचित्र ‘महाजात्रा’ले नेपालमा दश करोड १५ लाख ग्रस कलेक्सन गरेको छ । ‘
जात्रा’ र ‘जात्रै जात्रा’पछि षट्कोण आर्टसले निर्माण गरेको तेस्रो भाग ‘महाजात्रा’ प्रदर्शनको तेस्रो सातामा प्रवेश गर्दा दश करोड १५ लाख ग्रस कलेक्सन गरेको निर्माणपक्षले जानकारी दिएको छ ।
पहिलोसाता ६ करोड २४ लाख ग्रस कलेक्सन गरेको चलचित्रले पछिल्लो साता तीन करोड ९० लाख ग्रस कलेक्सन गरेको हो । चलचित्रमा हरिवंश आचार्य, वर्षा राउत, दिव्य देव, अर्जुनजंग शाही, प्रकाश घिमिरे, राजाराम पौडेल, प्रवीण खतिवडा, सुमन कार्की, शिशिर बाङ्देल, गौमाया गुरुङ, अरविन खड्कालगायतको अभिनय छ ।
