काठमाडौँ, ८ चैत । नेपाल युरोपियन युनियन फिल्म फेस्टिभलको १३ औं संस्करण सुरु भएको छ । बुधबारदेखि सुरु महोत्सव शनिबारसम्म सीटीसी मलस्थित सिने द सेफ हलमा चल्नेछ ।
ओपनिङ फिल्मको रुपमा ओस्कारको अन्तर्राष्ट्रिय फिचर विधामा मनोनित आइरिस फिल्म ‘द बन्सिस अफ इनिसेरिन’ थियो । यो संस्करणमा ९ युरोपेली कथानक र ११ नेपाली छोटा फिल्म प्रदर्शन हुनेछन् ।
‘ईयू-नेपाल सम्बन्धको ५० वर्ष : सांस्कृतिक विविधताको उत्सव’ नारासहित फेस्टिभल आयोजना भएको हो । उद्घाटन समारोहमा युरोपेली युनियन डेलिगेसनकी राजदूतसहित आयरल्याण्डका राजदूतले मन्तव्य राखे । सो अवसरमा अभिनेत्री उपासना सिंह ठकुरीलाई महोत्सवको दूतको रुपमा नियुक्त गरियो ।
