एजेन्सी, २७ फागुन । अमेरिकी माइक्रो ब्लगिङ वेबसाइट एक्सले स्मार्ट टिभी लन्च गर्दै छ ।
एक्सका मालिक अमेरिकी खर्बपति व्यापारी एलन मस्कले गुगलको भिडियो स्ट्रिमिङ प्लेटफर्म युट्युब र ओटीटी प्लेटफर्म नेटफ्लिक्सलाई टक्कर दिने तयारीमा छन् । मस्कले शनिवार यसको घोषणा गरेका थिए ।
डज डिजाइनर नाम गरेको एक जना एक्स युजरले ‘तपाईले एक्समा भएका लामा भिडियोहरूलाई छिट्टै सिधै आफ्नो स्मार्ट टिभीमा हेर्न सक्नु हुन्छ’ भनेर लेखेका थिए । यसको जवाफमा मस्कले ‘कमिङ सुन’ लेखेका थिए । टेस्ला र स्पेसएक्सको समेत सीईओ रहेका मस्कले शनिवार एक्समा पोस्टहरू गरेका थिए । एउटा पोस्टमा उनले फोनमा रहेको भिडियोहरू टिभीमा हेर्न एप्पल एयरप्लेको प्रयोग गर्न सकिन्छ भनेर भनेका थिए ।
