एजेन्सी, २१ फागुन । अमेरिकाको मिसिसिपी राज्यमा एउटा क्लबमा गोली चल्दा एक महिलाको मृत्यु भएको छ ।
आइतबार बिहान राज्यको वेस्ट प्वाइन्टमा रहेको एक क्लबबाहिर गोली चल्दा एक महिलाको मृत्यु भएको छ भने अन्य १२ जना घाइते भएका छन् । प्रहरीले २० वर्षीया महिलालाई घटनास्थलमा मृत फेला पारेको थियो । अन्य घाइतेहरूलाई सामान्यदेखि गम्भीर चोट लागेको छ । जसमध्ये एक जनाको अनुहारमा गोली लागेको छ ।
पार्टीमा सामेल हुन विभिन्न काउन्टीबाट मानिसहरू सहभागी आएका थिए । पार्टीमा सहभागी झन्डै ९० प्रतिशत मानिसहरू अन्य काउन्टीको भएको बताइएको छ । क्लबमा सुरक्षा व्यवस्था पनि थियो । तर कसरी हतियार आयो भन्ने कुरा सुरक्षाकर्मीलाई थाहा थिएन । यो वर्ष अहिलेसम्म अमेरिकामा ६६ वटा गोलीकाण्ड भइसकेका छन् ।
