काठमाडौँ, २० फागुन । नेकपा (एमाले)का उपाध्यक्ष विष्णु पौडेलले गठबन्धन आफैँभित्रका समस्या र अन्तरविरोधले टुट्ने जिकिर गरेका छन् ।
आज जनकपुरमा सञ्चारकर्मीसँग कुरा गर्दै उनले गठबन्धनभित्रका ‘तमासा’ आफूहरूले देखिरहेको बताएका छन् । सत्ता गठबन्धनका कारण मुलुक चौतर्फी संकटतर्फ गइरहेको उनले जिकिर गरे ।
उनले भने, “गठबन्धनभित्रका तमासाहरू हामी देखिरहेका छौँ । त्यो कुन रूपमा विकसित हुन्छ, हेरिरहेका छौँ । हामी त्यति रुचि र चाखका साथ गठबन्धनलाई हेरिरहेका छैनौँ,” “यो गठबन्धन आफैँभित्रका समस्याहरूले, अन्तरविरोधले चर्मराइरहेको छ । कुनै पनि बेला टुट्न, फुट्न सक्छ । मुलुक सत्ता गठबन्धनको कारणले चौतर्फी संकटतर्फ देखिरहेको छ ।”
