गाजा, १७ फागुन । गत अक्टोबरदेखि सुरु भएको इजरायल र हमासबिचको द्वन्द्वमा परेर गाजामा मारिनेको सङ्ख्या ३० हजार नाघेको त्यहाँको स्वास्थ्य मन्त्रालयले बिहीबार जानकारी दिएको छ । इजरायले अहिले पनि प्यालेस्टिनी भूमिमा हवाईदेखि स्थल कारबाही जारी राखेको छ ।
इजरायलमाथि अन्तर्राष्ट्रिय समुदायले युद्धबिरामको दबाब बढाए पनि अमेरिकाको समर्थनमा उसले आफ्नो अभियान अघि बढाइरहेको छ । संयुक्त राष्ट्र संघमा तत्काल युद्धविरामको प्रस्तावविरुद्ध अमेरिकाले भिटो प्रयोग गर्दै आइरहेको छ ।
हाल अधिकांश प्यालेस्टिनी जनता गाजाको दक्षिणी सहर राफामा खाँदिएर बसेका छन् । त्यहाँ करिब १० लाख जनता बस्दै आएका छन् । अब इजरायलले सो क्षेत्रमा पनि कारबाही अघि बढाउने तयारी गरेपछि मृतकको सङ्ख्या अझै बढ्नेमा चिन्ता व्यक्त गरिएको छ ।
