काठमाडौँ, १६ फागुन । अभिनेत्री प्रियंका कार्कीले जन्मदिन अवसरमा मंगलबार छोटो फिल्म ‘टाँक’को फस्टलुक पोस्टर सार्वजनिक गरेकी छन् ।
साम्तेन भुटिया निर्देशित यो फिल्मलाई अन्तर्राष्ट्रिय फेस्टिभलमा पठाउने तयारी छ । सामाजिक कथावस्तु समेटिएको यो फिल्मको पोस्टरमा प्रियंकाको ग्रामिण अवतार देख्न सकिन्छ । दुईमध्ये एक पोस्टरमा उनको लुक्स विशुद्ध ग्रामिण महिलाको देख्न सकिन्छ । अर्कोमा चाहिँ उनी चाइल्ड एक्टरसँग छिन् ।
यो फिल्मलाई आयंका फिल्म्सको ब्यानरमा निर्माण गरिएको हो । छोरी आयंकाको नामबाट उनले निर्माण कम्पनीको नाम तय गरेकी छन् । उनले आफ्नो ब्यानरबाट निर्माण भएको फिल्म निर्माणमा भूमिकामा खेलेकोमा टीमलाई धन्यवाद दिएकी छन् ।
