काठमाडौँ, ११ फागुन । केपी ओली कप फुटबल प्रतियोगितामा आजदेखि सुरू हुँदैछ ।
प्रतियोगिताको उदघाटन खेलमा आयोजक केपी ओली एफसी र शहीद स्मारक ए डिभिजन लिग च्याम्पियन चर्च ब्वाइज क्लबबीच प्रतिस्पर्धा हुनेछ ।
खेल सातदोबाटोस्थित एन्फा मैदानमा दिउँसो तीन बजे सुरू हुने छ । आयोजक केपी ओली एफसीले राष्ट्रिय टिमबाट खेलिसकेका खेलाडीहरु समेटेर टिम बनाएको छ । जसको कप्तानी नेपाली राष्ट्रिय फुटबल टोलीका डिफेण्डर अनन्त तामाङले गर्ने आयोजकले जनाएको छ ।
अनन्तले आफ्नै पूर्व टोलीविरुद्ध खेल्ने छन् । उनको कप्तानीमा चर्च ब्वाइजले गत सिजन डेब्युमै ए डिभिजन लिगको उपाधि जितेको थियो ।
