नासाको नयाँ जलवायु कार्यक्रम शुरु

एजेन्सी, २६ माघ । नासाले महासागरको जलस्वास्थ्य, वायुको गुणस्तर र मानवताको अनुकूलनताका लागि बदलिँदो मौसमका प्रभावहरू अध्ययन गर्न नयाँ उपग्रह प्रक्षेपण गरेको छ । एजेन्सी, २६ माघ ।

पेस नाम दिइएको उपग्रह एउटा रकेटमा अमेरिकाको फ्लोरिडामा रहेको केप क्यानाभेरल स्पेस फोर्स स्टेशनबाट हिजो प्रक्षेपण गरिएको हो । प्रक्षेपण भएको पाँच मिनेटपछि यो उपग्रहबाट सूचना प्राप्त गर्न शुरु गरेको नासाले बताएको चिनियाँ सञ्चारमाध्यम सिन्ह्वाले जनाएको छ । नासाका अनुसार पेस मिसनले साना, प्रायः अदृश्य चीजहरू जस्तै पानीमा शूक्ष्म जीवन र पृथ्वीको सयौँ माइल माथिबाट हावामा शूक्ष्म कणहरूको प्रभावको बारेमा अध्ययन गर्नेछ ।

यस कार्यक्रमबाट स्याटेलाइटको हाइपरस्पेक्ट्रल ओशन कलर इन्स्ट्रुमेन्टले अन्वेषकहरूलाई पराबैंजनी देखिने र नजिकको इन्फ्रारेड प्रकाशको स्पेक्ट्रममा महासागरहरू र अन्य जल गतिविधिको मापन गर्न सहज हुने खबरमा उल्लेख छ । यसमार्फत वैज्ञानिकहरू र तटीय स्रोत प्रबन्धकहरूले मत्स्यपालनका लागि पानीको  स्वास्थ्य पूर्वानुमान गर्न, हानिकारक लेउहरु निकाल्न र समुद्री वातावरणमा देखिने परिवर्तनहरू पहिचान गर्न डेटा प्रयोग गर्न सक्ने पनि बताइएको छ । स्थानीय, क्षेत्रीय र विश्वव्यापीरूपमा विकसित वायुको गुणस्तर मापन गर्न पनि पेस  प्रविधिले सजिलो बनाउने  नासाले जनाएको छ ।

प्रतिक्रिया दिनुहोस्

संबन्धित समाचार

धनुषा, ७ वैशाख । धनुषामा मोटरसाइकलको ठक्करबाट एक वृद्धको मृत्यु भएको छ । मृत्यु हुनेमा धनुषाको विदेह नगरपालिका ७ बेलापट्टीका ६५

ताप्लेजुङ, ७ वैशाख । ताप्लेजुङको प्रसिद्ध तीर्थस्थल पाथीभरा क्षेत्रमा मदिरा बिक्री तथा सेवनमा प्रतिबन्ध लगाइएको छ ।  पाथीभरा क्षेत्र विकास

सिन्धुपाल्चोक, ७ वैशाख । दोलखाको भीमेश्वर नगरपालिपका- १ सुस्पाबाट जन्ती लिएर जाँदै गरेको बस सिन्धुपाल्चोकको त्रिपुरासुन्दरी गाउँपालिका-५ तौथलीको धारावतीमा दुर्घटना

काठमाडौँ, ७ वैशाख । नेपाल दूरसञ्चार कम्पनी लिमिटेड (नेपाल टेलिकम)ले विभिन्न तहमा पदपूर्तिका लागि दरखास्त आह्वान गरेको छ । आज सार्वजनिक