बन्द बोतलभित्रको पानीमा प्लास्टिकका लाखौँ कण हुने अध्ययनको पुष्टि

काठमाडौँ, ३ माघ । बन्द बोतलभित्र राखिएको पानीमा प्लास्टिकका लाखौँ कण हुने एक अध्ययनले पुष्टि गरेको छ ।

अमेरिकाको कोलम्बिया विश्वविद्यालय र रटगर्स विश्वविद्यालयका वैज्ञानिकहरूले गरेको अध्ययनमा एक लिटर पानीमा औसत २ लाख ४० हजार प्लास्टिकका कण भेटिएको हो । तीन ठूला उद्योगबाट उत्पादित बोतलको पानीमा गरिएको अध्ययनका क्रममा प्रतिलिटर १ लाख १० हजारदेखि ३ लाख ७० हजारसम्म प्लास्टिकका कण भेटिएका छन् । तर वैज्ञानिकहरूले ती उद्योगको नाम भने उल्लेख गरेका छैनन् । यसमध्ये ९० प्रतिशत बोतलको पानीमा नानो प्लास्टिकका कण र बाँकीमा माइक्रोप्लास्टिकका कण भेटिएका छन् । 

बजारमा सहजै किन्न पाइने बोतलको पानीमा भेटिएका नानो प्लास्टिकका कणहरू फोक्सो र पाचन प्राणालीमार्फत रगतमा मिसिएर मस्तिष्क तथा मुटुसम्म पुग्ने र सबै अङ्गलाई प्रभावित पार्ने वैज्ञानिकहरूले बताएका छन् । गर्भावस्थामा विकसित हुने अङ्ग ‘प्लेसेन्टा’ मार्फत यस्ता प्लास्टिकका कण बच्चाको शरीरमा पुग्ने हुँदा शिशुलाई समेत गम्भीर असर पुग्ने अध्ययनमा उल्लेख छ । अध्ययनअनुसार धारा, नल तथा पाइपको पानीभन्दा बोतलभित्रको पानीमा प्लास्टिकको कण धेरै हुने गर्छ । 

वैज्ञानिकहरूले प्लास्टिकको बोतलमा प्याक गरिने पानीमा पहिलेको तुलनामा धेरै गुणा बढी प्लास्टिकको कण फेला परेको र यो विश्वका लागि चिन्ताको विषय भएको बताएका छन् ।

प्रतिक्रिया दिनुहोस्

संबन्धित समाचार

काठमाडौँ, १५ फागुन । निकोल लोफ्टी इटनको विश्व कीर्तिमानी शतकसँगै नामिबियाले त्रिकोणात्मक टी–२० सिरिजमा नेपाललाई २०७ रनको लक्ष्य दिएको छ

काठमाडौँ, १५ फागुन । आजदेखि सुरु हुने त्रिदेशीय ट्वान्टी–२० क्रिकेट शृंखलामा नेपालले नामिबियासँग खेल्दै प्रतियोगिताको सुरुआत गर्दै छ । शृंखलामा

काठमाडौँ, १३ फागुन । आईसीसी क्रिकेट विश्वकप लिग–२ अन्तर्गत घरेलु मैदानमा आयोजित त्रिदेशीय शृंखलाको अन्तिम खेलमा नेदरल्यान्ड्ससँग आठ विकेटले पराजित

काठमाडौँ, ११ फागुन । केपी ओली कप फुटबल प्रतियोगितामा आजदेखि सुरू हुँदैछ । प्रतियोगिताको उदघाटन खेलमा आयोजक केपी ओली एफसी