नयाँ दिल्ली, ४ पौष । शाहरुख खानको आगामी फिल्म डंकी प्रदर्शनको लागि तयार छ । फिल्म रिलिज हुन अब ३ दिन बाँकी छ । एड्भान्स बूकिङमा यो फिल्मले राम्रो रेस्पोन्स पाइरहेको छ ।
फिल्म मेकरहरुले शनिबार फिल्मको एड्भान्स बूकिङको आधिकारिक घोषणा गरेका थिए । भारतीय सञ्चार माध्यमहरुमा छापिएका खबरअनुसार नेशनल मल्टीप्लेक्स चेनमा फिल्मको ६६ हजार वटा टिकट बिक्री भइसकेको छ । समग्रमा चाँहि दुई दिनमा फिल्मको डेढ लाखभन्दा धेरै टिकट विक्री भएको सैकनिल्कले बताएको छ । एड्भान्स बूकिङबाट मात्रै फिल्मले ५ करोड भारुभन्दा धेरैको कलेक्शन गरिसकेको छ । एड्भान्स बूकिङको टे«न्ड हेर्दा डंकीले पहिलो दिनमा ३० देखि ३५ करोड भारुबीचको कमाई गर्ने देखिन्छ ।
