एजेन्सी, ४ मंसिर । युद्धग्रस्त गाजापट्टीमा प्यालेस्टाइनीप्रति समर्थन व्यक्त र इजरायलको ‘अपराध’को निन्दा गर्न इरानीले देशभर जुलुस निकालेका छन् ।
इरानको राजधानी तेहरानका साथै ताब्रिज, शिराज, इस्फाहान, रश्त, बुशेहर, अराक र काज्विनलगायत सहरमा र्याली निकालिएको अर्धसरकारी समाचार एजेन्सी तस्निमले जनाएको छ । तेहरानमा आयोजित र्यालीमा प्रदर्शनकारीले संयुक्त राज्य अमेरिका र इजरायलविरुद्ध नारा लगाएका थिए । गाजामा प्यालेस्टाइनी र बालबालिकाप्रति समर्थन जनाएका थिए ।
र्यालीमा प्रथम उपराष्ट्रपति मोहम्मद मोख्बरलगायत उच्चपदस्थ इरानी अधिकारीले भाग लिएका थिए । सिन्ह्वा/न्युज एजेन्सी नेपाल
