काठमाडौँ २६ कार्तिक । केलिएन एमबाप्पेले ह्याट्रिक गरेपछि पेरिस सेन्ट जर्मेन (पीएसजी)ले फ्रेन्च लिग वानमा शनिबार राती रेइम्सलाई ३-० ले पराजित गरेको छ । यो जितले पीएसजी अंकतालिकामा शीर्ष स्थानमा समेत उक्लेको छ ।
खेलको तेस्रो मिनेटमै एमबाप्पेले गोल गर्दै पीएसजीलाई अग्रता दिलाएका थिए । त्यसपछि उनले दोस्रो हाफमा दुई गोल गरे । ५९औं र ८२औं मिनेटमा गोल गर्दै एमबाप्पेले ह्याट्रिक पूरा गरे । रेइम्सका जुन्या इतोले सातौं मिनेटमा गोल गरेपनि भिएआरले मान्यता दिएन ।
जितपछि पीएसजी १२ खेलमा २७ अंक जोडेको शीर्ष स्थानमा उक्लेको छ । उसले नाइसलाई एक अंकले पछि पारेको छ ।
