काठमाडौँ, २४ भदौ । फिल्म ‘एक–भगवत् गीता’को विवाद टुंगिएको छ ।
नामप्रति असन्तुष्टि जनाउँदै चलचित्र विकास बोर्डमा उजुरी दिएका धार्मिक संघसंस्था र निर्माण पक्षबीच आज सहमति भएको हो ।
फिल्म नाम ‘एक भागवत् र एक गीता’ राख्ने सहमति भएको निर्माता सुनीलकुमार थापाले जानकारी दिए । सहमतिसँगै एकले अर्कोलाई सहयोग गर्ने सम्झौता पनि भएको छ ।
विवाद हुँदा निर्माण पक्षले चलचित्र विकास बोर्डबाट सेन्सर सिफारिस पाएको थिएन । विश्व हिन्दु महासंघ नेपाल, हिन्दु जागरण नेपाल, शिव सेना नेपाल, विश्व हिन्दु युवा संघ अन्तर्राष्ट्रिय समितिलगायत एक दर्जन संघसंस्थाले नाम र यसभित्र रहेको विषयमा आपत्ति जनाउँदै बोर्डमा निवेदन दिएका थिए ।
