एजेन्सी, १२ साउन । अमेरिकाका पूर्वराष्ट्रपति डोनाल्ड ट्रम्पमाथि फेरि एक नयाँ आरोप लागेको छ ।
गोप्य सरकारी कागजात प्रकरणको अनुसन्धानमा अवरोध पुर्याूउने सुरक्षा फुटेज डिलिट गर्न उनले कर्मचारीलाई दबाब दिएको आरोप लागेको हो । यो आरोप ट्रम्पले फ्लोरिडास्थित आफ्नो निजी निवास मार ए लागोमा सरकारी गोप्य कागजातको व्यवस्थापनसँग सम्बन्धित रहेको छ ।
ट्रम्पमाथि रक्षासम्बन्धी जानकारी जानीजानी राखेको र अवरोधको आरोप लागेको छ । मार ए लागोका स्टाफ सदस्य कार्लोस डे ओलिभेरालाई पनि फुटेज हटाउन के गर्न सकिन्छ भनेर सोधेको आरोप लागेको छ । ट्रम्पका निकट सहयोगी वाल्ट नाउटामाथि पनि अनुसन्धानमा अवरोधको आरोप लागेको छ । ट्रम्प र वाल्ट नाउटा दुवैले यी आरोप अस्वीकार गरेका छन् ।
अदालतका नयाँ कागजातमा न्याय विभागले गोप्य कागजात राखिएको भनिएको ठाउँको निगरानी फुटेज माग्दा नाउटा र डे ओलिभेराले उक्त फुटेज डिलिट गर्न षडयन्त्र गरेको उल्लेख छ ।
