रुपन्देही, १७ असार । जिल्लाको सुद्धोधन गाउँपालिकामा मानपकडीमा १० वर्षीया बालिका बलात्कार आरोपमा ६५ वर्षीय पुरुष पक्राउ परेका छन् ।
जिल्ला प्रहरी कार्यालय रूपन्देहीका अनुसार सुद्धोधन गाउँपालिका-५ का शिव भारतीलाई शुक्रबार बेलुका पक्राउ गरेको हो ।
शुक्रबार दिउँसो घरआसपास खेलिरहेकी बालिका बलात्कृत भएबारे उनकी आमाले बेलुका ८ बजेमात्र थाहा पाएकी थिइन् । ती बालिकाले नै घटनाबारे आफ्नी आमालाई भनेकी थिइन् ।
त्यसपछि बालिकाकी आमाले प्रहरीलाई खबर गरेकी थिइन् । बालिकाकी आमाले छोरीमाथी जवरजस्ती करणी गरेको भनेर गुनासो गरेपछि शुक्रबार राति उनकै निवासबाट नियन्त्रणमा लिएर अनुसन्धान सुरु गरेको प्रहरीले जनाएको छ ।
पक्राउ परेका आरोपी भारतीलाई छोड्नका लागि दवाव समेत दिन थालेपछि पीडित परिवार घर छाडेर बुटवलस्थित आफन्तकोमा बसेको बताएका छन् ।
