एजेन्सी, १७ चैत । द वाल स्ट्रीट जर्नलका एक अमेरिकी पत्रकार रुसमा पक्राउ परेका छन् । पक्राउ परेका एभन ग्रेस्क्राेभीचलाई रुसले जासुसीको आरोप लगाएको छ । उनी रुस संवाददाता हुन् र पक्राउ परेको समयमा यक्याटरिङबर्गमा कार्यरत थिए ।
द वाल स्ट्रीट जर्नलले उनको सुरक्षाप्रति चिन्ता व्यक्त गरेको छ । साथै उनमाथि लागेको आरोपलाई अस्वीकार गरी तत्काल रिहाइको माग गरेको छ । ती संवादादता अमेरिकी सरकारको निर्देशनमा काम गरिरहेका र गोप्य सूचना सङ्कलन गरिरहेको रुसको दाबी छ ।
मस्कोको लिफोर्टोभो जिल्ला अदालतले मे २९ तारिखसम्म थुनामा राख्न आदेश दिएको छ । समाचार संस्था तासले पक्राउ परेका पत्रकार एभन ग्रेस्क्राेभीचले आरोप अस्वीकार गरेको जनाएको छ ।
