काठमाडौँ, १६ कार्तिक । प्रधानमन्त्री कप राष्ट्रिय एकदिवसीय क्रिकेटमा खेलमा गण्डकी र लुम्बिनी प्रदेश विजयी भएका छन् ।आज बुधवार मूलपानी क्रिकेट मैदानमा भएकाे खेलमा लुम्बिनी प्रदेशले बाग्मती प्रदेशलाई आठ विकेटले हरायो ।
अर्को खेलमा गण्डकी प्रदेशले कर्णाली प्रदेशलाई ३२ रनले हरायो । गण्डकीले दिएको दुई सय नाै रनको लक्ष्य पछ्याएको कर्णाली ४७ ओभरमा एक सय ७६ रन बनाउँदा अलआउट भयो । उसका लागि हिमांशु शाहीले ६९ र रवीन्द्र शाहीले ४२ रन बनाए । बलिङतर्फ गण्डकीका सुवाश भण्डारी र चन्द्र पौडेलले तीन/तीन विकेट लिए ।
लगातार दोस्रो जितसहित गण्डकी समूह ‘ए’ को दोस्रो स्थानमा पुगेको छ । कर्णाली तेस्रो स्थानमा छ ।
