काठमाडौँ, ८ असार । आज बजार परिसूचक नेप्से ३१.२१ अंकले गिरावट भएर १८९३.५३ अंकमा बन्द भएको छ ।
नेप्सेसँगै सबै उपसूचकमा गिरावट भएको छ । हाइड्रोपावर, विकास बैंक, वित्त कम्पनी र अन्य उपसूचकमा साढे २ प्रतिशतभन्दा माथिको गिरावट भएको छ ।
आज दिनभर बजारमा १९४ कम्पनीको सेयर कारोबार भएकामा १७३ कम्पनीको सेयर मूल्यमा गिरावट भएको छ । १९ कम्पनीको सेयर मूल्य बढेको छ । दुई कम्पनीको सेयर मूल्य स्थिर रह्यो । आज कारोबारमा आएका मध्ये आँधीखोला लघुवित्तको सेयर मूल्य बढेर सकारात्मक सर्किट मूल्यमा बन्द हुँदा शिवश्री हाइड्रोपावरको सेयरमूल्य ३.८९ प्रतिशतले बढेको छ ।
युनाइटेड इदी मार्दी एन्ड आरबी कम्पनीको सेयर मूल्य सर्वाधिक ६.४८ प्रतिशतले गिरावट हुँदा हिमाल दोलखा हाइड्रोपावर कम्पनीको सेयर मूल्य ५.६२ प्रतिशत र घलेम्दी हाइड्रोपावरको सेयर मूल्य ५.५६ प्रतिशतले गिरावट भएको छ ।