काठमाडौँ, ४ जेठ । आगामी आर्थिक वर्ष २०७९/०८० को शिक्षाको बजेटमा नयाँ कार्यक्रम थपिने भएका छन् । मन्त्रालयले तयार गरी अर्थ मन्त्रालयमा पेस गरेको बजेटमा शिक्षक अस्पतालका साथै सबै प्रदेशमा मेडिकल कलेज स्थापना गर्ने उल्लेख छ ।
हाल सञ्चालनमा रहेको मेडिकल कलेजलाई व्यवस्थित गर्न नसकेको मन्त्रालयले सातै प्रदेशमा मेडिकल कलेज खोल्न प्रस्ताव गरेको छ। मन्त्रालयले तयार गरेको बजेटमा भरतपुरमा शिक्षक अस्पताल निर्माण गर्न पूर्वाधार अध्ययन शीर्षकमा करिब १ करोडभन्दा बढी रकम छुट्टाइएको छ ।
जेठ १५ गते सार्वजनिक हुने बजेटमा मन्त्रालयले अध्ययन र पूर्वाधार विकास शीर्षकमा करोड रुपियाँ छुटाइएको जानकारी दिँदै मन्त्रालय स्रोतले भन्यो- ‘बजेटमा समेटिएका विषय अधिकांश पुराना छन् भने केही कार्यान्वयन हुन कठिन तर लोकप्रिय हुनकै लागि बजेटमा समावेश गरिएको छ।’ आजको नेपाल समाचारपत्र दैनिकमा समाचार छ ।
