काठमाडौँ, ३ जेठ । आज विश्व दूरसञ्चार दिवस नेपालमा पनि विभिन्न चेतनामूलक कार्यक्रम गरी मनाइँदै छ ।
दूरसञ्चारका क्षेत्रमा भएका उपलब्धि र आवश्यकतालाई परिपूर्ति गर्ने बारेमा जानकारीमूलक कार्यक्रम आयोजना गरेर ५३औँ विश्व दूरसञ्चार दिवस मनाइँदै छ ।
सन् १९१३ मा पहिलोपटक काठमाडौँमा टेलिफोन लाइन जोडिएकामा एक वर्षपछि सन् १९१४ मा काठमाडौंदेखि भारतको रक्सौलसम्म टेलिफोनको प्रयोजनका लागि तारलाइन जडान गरिएको थियो । सन् १९९९ मा नेपालमै पहिलोपटक मोबाइल फोनको सुरुवात भयो । सन् २००० मा आएर इन्टरनेटको व्यावसायिक सुरुवात भयो ।
