वाशिंगटन, १९ बैशाख । एम्नेस्टी इन्टरनेशनलले पाकिस्तानी अधिकारीहरूलाई सामाजिक सञ्जालमा राज्यको आलोचना गरेको कारण हालै पक्राउ गरिएका सबै व्यक्तिहरूलाई तुरुन्त रिहा गर्न आग्रह गरेको छ।
एम्नेस्टी इन्टरनेशनल, संयुक्त राज्य अमेरिकाले जारी गरेको विज्ञप्तिमा, अधिकार वकालत समूहको दक्षिण एसिया अनुसन्धान निर्देशक दिनुशिका दिसानायकेले औल्याँउदै पाकिस्तानको संघीय अनुसन्धान एजेन्सी (एफआईए) ले हालै ट्वीटरमा राज्यको आलोचना प्रकाशित गरेपछि आठ जनालाई पक्राउ गरेको छ भन्ने उल्लेख गरेकी छिन् ।
“पाकिस्तानी अधिकारीहरूले अनलाइन अभिव्यक्ति स्वतन्त्रताको अधिकारको प्रयोग गर्ने मानिसहरूलाई सजाय दिन कठोर पाकिस्तान इलेक्ट्रोनिक अपराध ऐन प्रयोग गर्न बन्द गर्नुपर्छ,” उनले भनिन्। सुश्री दिसानायकेले यस हप्ताको सुरुमा पञ्जाबमा गिरफ्तार गरिएका आठ जनालाई “तुरुन्त र बिना शर्त रिहा गरिनुपर्छ” भनेर माग गरिन्।
