काठमाडौँ, १४ बैशाख । ग्लोबल आईएमई बैंकले भिडियो केवाईसी प्रणाली सुरु गरेको छ । बैंक र डिजिटल नेटवर्क सोलुसनबीच भिडियो केवाईसी प्रणाली विकास र कार्यान्वयनका लागि भएको सम्झौतासँगै बैंकले यो सेवा सुरु गरेको जनाइएको छ ।
सम्झौतापत्रमा बैंकका नायब महाप्रबन्धक कल्याण विक्रम पाँडे र डिजिटल नेटवर्कका प्रमुख कार्यकारी अधिकृत अरुण खत्रीले हस्ताक्षर गरेका छन् ।
सम्झौतापश्चात् बैंकका ग्राहकहरूले अनलाइन भिडियो कलमार्फत आफ्नो केवाईसी अपडेट गर्न सक्नेछन् । बैंकले सुरु गरेको यो सेवाले ग्राहकहरू प्रत्यक्ष रूपमा लाभान्वित हुने बैंकको विश्वास रहेको जनाइएको छ ।
