काठमाडौं, ४ बैशाख । नेपाल टेलिकमले सबै सेवा प्रदायक नेटवर्कमा असीमित कुराकानी गर्न मिल्ने ‘अल टाइम अल नेट भ्वाइस प्याक’सहितको स्प्रिङ अफर ल्याएको छ ।
कम्पनीका अनुसार यो अफर मंगलबारदेखि सुरु हुनेछ । ५९९ देखि १ हजार ४९९ रुपैयाँसम्मका सजिलो अनलिमिटेड पोस्टपेड र प्रिपेड प्याकहरु समावेश रहेको कम्पनीको भनाइ छ ।
९९९ र १ हजार ४ सय ९९ रुपैयाँका प्याकमार्फत कम्पनी भित्रको नेटवर्कमा असीमित कुराकानी गर्न सकिनुका साथै अन्य सेवा प्रदायकको नेटवर्कमा पनि असीमित कुराकानी गर्न सकिने कम्पनीले जनाएको छ । यी प्याकमा क्रमशः प्रतिदिन २ जीबी र ४ जीबी डाटा तथा प्याक अवधिमा ४०० वटा र एक हजार वटा अल नेट सन्देश पठाउन सकिने सुविधा उपलब्ध हुनेछ ।
