काठमाडौँ, २४ चैत । सरकारले नेपाल टेलिकमको प्रबन्ध निर्देशकमा सुनिल पौडेललाई नियुक्त गरेको छ ।
मन्त्रिपरिषदको बिहीबार साँझ बसेको बैठकले पौडेललाई नियुक्ति गरेको एक मन्त्रीले बताए । टेलिकमको प्रबन्ध निर्देशक नियुक्तिका लागि सूचना तथा प्रसारण मन्त्रालयका सचिव वैकुण्ठ अर्यालको नेतृत्वमा गठित समितिले तीन जनालाई सिफारिस गरेको थियो। सिफारिस गरेकामध्ये पौडेललाई नियुक्ति गरिएको ती मन्त्रीले बताए ।
पौडेल नेपाल टेलिकमसँग सम्बन्धित व्यक्ति भने होइनन् । नेपाल टेलिकममा टेलिकमभित्रकै कर्मचारीलाई प्रबन्ध निर्देशक बनाउन माग गर्दै कर्मचारीहरू आन्दोलन गरिरहेका थिए । यसअघिका प्रबन्ध निर्देशक डिल्लीराम अधिकारीको कार्यकाल समाप्त भएसँगै गत पुसदेखि टेलिकम नेतृत्वविहीन थियो।
