संयुक्त राष्ट्र सङ्घमा तालिबानहरूलाई सिट नदिन अफगानी महिलाहरूको माग

अमेरिका, ८ कार्तिक । तालिबानहरूले सुरुमा बताए अनुरुपको वाचा पुरा गर्न नसकेको अफगानी महिला समूहको आरोप छ ।

गत बिहीबार तालिबान महिलाहरूको एउटा समूहले अमेरिकाको न्यूयोर्कमा राष्ट्र सङ्घको कार्यालय भ्रमण गरेको थियो । राष्ट्र सङ्घको विश्वव्यापी प्रतिनिधित्वमा तालिबानहरूलाई स्थान नदिन अफगानी महिलाहरूको समूहले आग्रह गरेको थियो ।

फवजिया कुफी पूर्व अफगानी राजनीतिज्ञ र अफगान शान्ति प्रक्रियाकी मध्यस्थकर्ता हुन्, उनले यसरी तालिबानहरूलाई राष्ट्र सङ्घबाट हटाउने आग्रह असाध्यै सरल र स्वाभाविक भएको बताएका छन् । उनका अनुसार राष्ट्र सङ्घले त्यस्ता मान्छे या समुदायलाई सिट दिनुपर्दछ जस्ले सबैको अधिकारको आदर गर्दछ । कुफीका साथै अफगानी पत्रकार अनीशा शाहिद, पूर्व अफगानी राजनीतिज्ञ नाहिद फरिद र पूर्व अफगानी कूटनीति विज्ञ असिला वार्दकले पनि आफ्नो मत व्यक्त गरेका थिए ।

फरिदका अनुसार तालिबानले सत्तामा आउन अगाडि भनेँ झैँ महिला अधिकार, महिला रोजगारी र स्वतन्त्रताका कुराहरूमा आफ्नो वाचा पटक्कै पुरा गर्न सकेनन् । अगस्तको मध्य देखि सत्तामा आएका तालिबानहरूले अफगानिस्तानमा महिलाहरूलाई क्रूर इस्लामिक नियमका अनुसार मात्र शासन गर्दै आएको छ ।

तालिबानले दोहामा बस्ने सुहेल शाशिनलाई आफ्नो संयुक्त राष्ट्र सङ्घको प्रवक्ता र राजदूत सिफारिस गरेको छ । घुलाम ईसाकजाई जो पहिले राष्ट्र सङ्घमा तालिबानलाई प्रतिनिधित्व गर्दथे, उनलाई चाहिँ तालिबानले हटाएको हो ।  यसरी राष्ट्र सङ्घको मुख्यालयमा पुगेका अफगानी महिलाहरूको समूहलाई राष्ट्र सङ्घ सुरक्षा परिषद्ले अलग्गै भेट गरेको थियो । यस वर्षको अन्त सम्मा राष्ट्र सङ्घले सदस्य राष्ट्रहरूको प्रतिनिधि सूचीलाई सदर गरिसक्ने छ ।

प्रतिक्रिया दिनुहोस्

संबन्धित समाचार

वाशिङ्टन, २१ मंसिर । पूर्व अमेरिकी विदेशमन्त्री माइक पोम्पेओले आइतबार बेइजिङको शीतकालीन ओलम्पिकको कूटनीतिक बहिष्कारको आह्वानलाई समर्थन गरे । चिनियाँ

बेइजिङ, २१ मंसिर । कल्पना गर्नुहोस्, एक क्षणको लागि चीनमा बस्ने मानिसहरूलाई संसार कस्तो देखिन्छ। संसारको सबैभन्दा ठूलो र सबैभन्दा

काठमाडौँ, २१ मंसिर । सोमबार बंगलादेश र भारत बीचको कूटनीतिक सम्बन्धको ५० औं वर्ष पुगेको छ । यहि दिन भारतले बंगलादेशलाई

काठमाडौँ, २० मंसिर । म्यानमारकी प्रजातन्त्रवादी नेतृ आङ सान सुकीलाई चार वर्ष जेल सजाय तोकिएको छ । म्यानमारको सैनिक सरकारले नेतृ सूचीलाई

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021