काठमाडौँ, १९ साउन । नेकपा एमालेका नेता तथा पूर्वमन्त्री लालबाबु पण्डितले गठबन्धनको भारतीलाई कम्फर्टेवल सरकार छिट्टै नास हुने दावी गर्नुभएको छ ।
आज वसेको मन्त्रीपरिषद्को बैठकले भूमि सम्बन्धी समस्या समाधान आयोग खारेज गर्ने निर्णय गरेसँगै नेता पण्डितले वर्तमान कांग्रेस, माओवादीलगायतका गठबन्धनको कम्फर्टेवल सरकार छिट्टै नास हुने बाटोमा अगाडी बढेको बताउनुभयो । भूमिहिन तथा सुकुम्बासीको पक्षमा वर्तमान शेरबहादुर देउवा सरकार नरहेको उल्लेख गर्दै नेता पण्डितले वर्तमान सरकार कस्तो र कसको लागि बनेको भन्ने जनताले छिट्टै बुझ्ने समेत बताउनुभयो ।
उहाँले आफ्नो सामाजिक सञ्जालमा भन्नुभएको छ, ‘मन्त्रिपरिषद बैठकले भूमि सम्बन्धी समस्या समाधान आयोग खारेज गर्ने निर्णय गरेकोले भूमि समस्याबाट पिडित जनता र भूमिहीन सुकुम्बासीको पक्षमा देउवा सरकार नरहेको पुष्टि हुन गएको छ । धन्य हो गठबन्धन । छिटै नास हुने जनताले बुझने छन् कंफर्टेवल सरकार ।’