भक्तपुर ‘प्रकृतिको अनुपम उपहार’ होः नेता बस्नेत

भक्तपुर, २३ असार । नेपाल कम्युनिष्ट पार्टी (एमाले)का केन्द्रीय सदस्य तथा पूर्वमन्त्री महेश बस्नेतले भक्तपुर प्रकृतिले दिएको अनुपम उपहार भएको बताउनुभएको छ ।

समाजसेवी भजेश खड्काको सौजन्यमा सूर्यविनायक नगरपालिका वडा नं ४ दधिकोट, कैलाश डाँडाको अनन्तलिङ्गेश्वर आधारभूत विद्यालयका १८ जना विपन्न परिवारका छात्रछात्राहरुलाई शैक्षिक सामाग्री हस्तान्तरण कार्यक्रममा बोल्दै नेता बस्नेतले जिल्लामा प्राकृतिक मनोरमयुक्त भएको दावी गर्नुभयो । २२ वटा भन्दा बढी हिमालहरु देखिने उल्लेख गर्दै नेता बस्नेतले भक्तपुरका पर्यटकीय ठाउँहरु अनन्तलिङ्गेश्वर, कैलाश महादेव, रानिकोटलगायतका क्षेत्रहरुमा एक पटक फर्कन गाह्रो मान्ने गरेको समेत बताउनुभयो ।

उहाँले भन्नुभयो, ‘भक्तपुर प्रकृतिको अनुपन उपहार दिएको ठाउँ हो । जहाँबाट २२ वटा भन्दा बढी हिमालहरुको दृष्यावलोकन गर्न सकिन्छ । नयाँ मान्छेको उक्त ठाउँमा प्रवेश गरे छाडेर जान गाह्रो मान्ने गरेका छन् । त्यसैले पर्यटकीय विकासको साथ साथै आर्थिक वृद्धिदरको समेत भक्तपुर महत्वपूर्ण स्थानको रुपमा रहेको छ ।’

नेपालको इतिहासको साक्षीको रुपमा भक्तपुरका पर्यटकीय क्षेत्र तथा मठमन्दिरहरु रहेको उल्लेख गर्दै नेता बस्नेतले बहुआयमीक भ्यु टावर निर्माणको क्रममा रहेको बताउनुभयो । होम स्टेको रुपमा उक्त ठाउँको विकास प्रारम्भ भएको उल्लेख गर्दै नेता बस्नेतले मठमन्दिरको संरक्षण तथा खानेपानीको व्यवस्थापन गर्ने कार्य भइरहेको विस्तारमा उल्लेख गर्नुभयो । सडक, ढल तथा पर्यटकीय क्षेत्रको तिव्र गतिमा विकास भइरहेकोसमेत बताउनुभयो ।

सामुदायीक विद्यालयमा विपन्न परिवारकालाई मात्र पठाउने नभई बोर्डिङको भन्दा उज्वल शिक्षाको लागि स्थापीत गर्दै लैजानुपर्नेमा जोड दिँदै उहाँले उक्त विद्यालयका विपन्न १८ जना विद्यार्थीलाई प्रति विद्यार्थी स्कुल व्याग १ पिस, स्कुल युनिफर्म १ सेट, स्कुल ट्रयाक सुट १ सेट, छाला जुत्ता १ जोर वितरण गर्नुभयो । उहाँले प्रति विद्यार्थी रु ३१ सय बराबरका तपसिलका सामानहरु हस्तान्तरण गर्नुभयो । नेता बस्नेतले ६ वटा विद्यालयका १४५१ जना विद्यार्थीलाई शैक्षिक तथा स्वास्थ्य सामाग्री वितरण गर्नुभएको थियो ।

प्रतिक्रिया दिनुहोस्

संबन्धित समाचार

कर्णाली (सुर्खेत), ६ कार्तिक । कर्णाली प्रदेश सरकारले गत असोज २६ गते मुुगुमा भएको बस दुर्घटनामा परी मृत्यु भएका व्यक्तिका

म्याग्दी, ६ कार्तिक । म्याग्दीको धौलागिरि गाउँपालिका–२ मा पर्ने लमसुङ गाउँ पहिरोको उच्च जोखिममा परेको छ । बाढीले विद्युत्गृह बगाएपछि

विराटनगर, ६ कार्तिक । बेमौसमी वर्षापछि आएको बाढीका कारण डुबानमा परेको विराटनगर विमानस्थल शनिबारदेखि सञ्चालनमा आउने भएको छ । विमानस्थलको

काठमाडौँ, ६ कार्तिक । आज पनि देशभरको मौसम आंशिकदेखि सामान्य बद्ली भएर देशका केही ठाउँमा सामान्य पानी पर्ने सम्भावना रहेको

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021