सामाजिक सुरक्षा कोषको विरोधमा एनआईसी बैंकका कर्मचारी आन्दोलित

काठमाडौँ, १९ असार । सरकारले बैंक तथा वित्तीय संस्थामा कार्यरत कर्मचारीलाई असार मसान्तभित्रै सामाजिक सुरक्षा कोषमा आबद्ध हुन पत्र काटेसँगै कर्मचारीहरु आन्दोलनमा उत्रिएका छन् ।

सरकारले विभेदकारी योजनामा जान बाध्य बनाएको भन्दै एनआईसी एशिया बैंकमा कार्यरत कर्मचारीले विरोध प्रदर्शन गरेका हुन् । विभिन्न १४ बुँदे माग राखेर शुक्रबार उनीहरुले कार्यालयअगाडि प्रदर्शन गरेका छन् ।

सरकारले ल्याएको सामाजिक सुरक्षा योजनाविरुद्ध आफूहरुले विभिन्न माग अघि सारेको र उक्त माग सम्बोधन नभएसम्म विरोधका कार्यक्रम जारी रहने प्रदर्शनमा सहभागी कर्मचारीहरुको बताए । कोषले बैंकका कर्मचारीहरुलाई पनि अनिवार्य रुपमा सामाजिक सुरक्षा कोषमा आउन भनेपछि विभिन्न बैंक तथा वित्तीय संस्थाका कर्मचारीहरुले गएको मंगलबारदेखि नै आन्दोलन गरिरहेका छन् ।

बैंक तथा वित्तीय संस्थाका कर्मचारीले विगतदेखि नै सामाजिक सुरक्षा कोषमा आबद्ध हुनको लागि असहमति जनाउँदै आएका थिए । तर, कोषले यसलाई बाध्यकारी बनाएपछि आन्दोलनमै उत्रिनुपरेको उनीहरुको दाबी छ । बैंकरहरुले असहमतिका बुँदाहरु नेपाल राष्ट्र बैंक र कोषलाई समेत बुझाइसकेको उनीहरुले बताए ।

प्रतिक्रिया दिनुहोस्

संबन्धित समाचार

काठमाडौँ, २१ साउन । सञ्चारमाध्यममा प्रकाशित/प्रसारित सामग्री साभार गरी सम्प्रेषण गर्दा अनिवार्यरूपमा मूल स्रोतको अनुमति लिएरमात्र सम्प्रेषण गर्न/गराउन प्रेस काउन्सिलल

काठमाडौँ, २१ साउन । राष्ट्रिय शैक्षिक परामर्श संघ (नेका)ले प्रधानमन्त्री शेरबहादुर देउवासँग भेटगरी शिक्षा ऐन व्यवसायी मैत्री बनाउन माग गरेको

काठमाडौँ, २१ साउन । केही दिन अघि शेरबहादुर देउवा नेतृत्वको गठबन्धनको सरकारले भूमि समस्या समाधान आयोगलाई विघटन गरेसँगै आन्दोलनमा उत्रिएका

काठमाडौँ, २१ साउन । थप ३ हजार ९ सय ३८ जनामा कोरोना (कोभिड-१९) संक्रमण भएसंगै नेपालमा संक्रमितको संख्या ७ लाख