प्रदेश २ सरकारको नीति तथा कार्यक्रम बहुमतले पारित

जनकपुरधाम, ३० जेठ । प्रदेश २ सरकारको आगामी वर्षको नीति तथा कार्यक्रम बहुमतले पारित भएको छ ।

आइतबार बसेको प्रदेशसभा बैठकमा मुख्यमन्त्री लालबाबु राउतले नीति तथा कार्यक्रममाथि उठेका प्रश्नको जवाफ दिएपछि बहुमतले पारित भएको हो । नीति तथा कार्यक्रममाथि चार जना सांसद्ले संशोधन प्रस्ताव दर्ता गराएका थिए । तर, मुख्यमन्त्री राउतले नीति तथा कार्यक्रममा भएका कमजोरी स्वीकार्दै कार्यान्वयनमा जोड दिने बताएपछि उनीहरूले संशोधन प्रस्ताव फिर्ता लिएका थिए ।

कार्यालय र कर्मचारी अभावमा बजेट खर्च र योजना कार्यान्वयन पक्ष कमजोर रहेको पनि उनले स्वीकार गरेका थिए । उच्च तहका कर्मचारीको सरुवा हुँदा बजेट कार्यान्वयन पक्ष कमजोर बनेको उनको भनाइ छ । उनले नीति तथा कार्यक्रममा पुरानो योजनालाई निरन्तरता दिएको पनि स्वीकार गरे ।

मुख्यमन्त्री राउतले स्वास्थ्य क्षेत्रलाई थप व्यवस्थित र प्रभावकारी बनाउन सरकारले चिकित्सकको मासिक पारिश्रमिक एक लाख ५० हजार हुनगरी प्रावधान ल्याउने तयारी गरिएको बताए । अब सोमबारको बैठकमा प्रिबजेटमा छलफल भएर असार १ गते सरकारले बजेट भाषण गर्ने तयारी गरिएको छ ।

प्रतिक्रिया दिनुहोस्

संबन्धित समाचार

काठमाडौँ, १५ साउन । स्वास्थ्य मन्त्रालयले स्मार्ट लकडाउन गर्न कोभिड–१९ संकट व्यवस्थापन केन्द्र (सीसीएमसी) लाई सिफारिस गरेको छ । शुक्रबार

काठमाडौँ, १५ साउन । स्वास्थ्य तथा जनसंख्या मन्त्रालयले आगामी चैत मसान्तसम्म सबै नेपालीले खोप पाउने बताएको छ । आज एक

बुटवल, १५ साउन । लुम्बिनी प्रदेशसभामा जनता समाजवादी पार्टी (जसपा)का तीन जना सांसद पदमुक्त भएका छन् । प्रदेशसभा सचिवालयका सचिव

काठमाडौँ, १५ साउन । आजको प्रतिनिधि सभाको बैठक आज १ बजेदेखि सुरु भएको छ । प्रत्यक्षप्रसारण (LIVE)