काठमाडौँ, ५ जेठ । प्रधानमन्त्री केपी शर्मा ओलीले बजेट अघि नै विश्वासको मत लिने तयारी गर्नुभएको छ ।
संसदको ठूलो दलको नेताको हैसियतमा संविधानको धारा ७६ को उपधारा ३ अनुसार ओली वैशाख ३० गते प्रधानमन्त्री बन्नुभएको थियो । संवैधानिक व्यवस्था अनुसार प्रधानमन्त्री ओलीले जेठ ३० गतेसम्म प्रतिनिधि सभाबाट विश्वासको मत लिइसक्नुपर्छ ।
जेठ १५ गते बजेट ल्याउनैपर्नै संवैधानिक व्यवस्था समेत छ । बजेटअघि विश्वासको मत लिने मनस्थितिमा प्रधानमन्त्री रहेको बताइएको छ । यद्यपी अहिले नै समयको टुंगो भने नलागिसकेको बताइएको छ ।