विवादकै घेरामा जसपा

काठमाडौँ, ३१ वैशाख । सरकार निर्माणका लागि निर्णायक बनेको जनता समाजवादी पार्टी (जसपा) विवाद बिहीबारसम्म समाधान हुन सकेन । शीर्ष नेताबीचको छलफलमा सरकार निर्माणका लागि सहमति नहुँदा पार्टी विवाद झन् चुलिएको हो । जसपा संघीय परिषद् अध्यक्ष डा. बाबुराम भट्टराई, अध्यक्ष उपेन्द्र यादव विपक्षी गठबन्धनमा छन् ।

कांग्रेस, नेकपा (माओवादी केन्द्र)सँग मिलेर सरकार बनाउने भट्टराई र यादव प्रयास असफल भएको छ । जसपा अध्यक्ष महन्थ ठाकुर र वरिष्ठ नेता राजेन्द्र महतोले अन्तिम समयसम्म अडान नछोडेपछि भट्टराई–यादव योजना असफल बनेको छ । बिहीबार दिनभर भेटघाट–छलफलमा व्यस्त नेताबीच कुनै सहमति हुन सकेनन् । स्रोतका अनुसार ठाकुर–महतो समूह प्रधानमन्त्री केपी शर्मा ओलीविरुद्ध नउभिएपछि भट्टराई र यादव योजना ‘फेल’ भएको हो ।

शीर्ष नेतासँगको छलफल पश्चात् ठाकुर र महतोले आफूनिकट सांसदसँग भक्तपुरको एक रिसोर्टमा लगेर छलफल गरे । उनीहरूले कांग्रेससँग सत्ता सहकार्य नहुने भन्दै संसद्मा तटस्थ बसेको प्रस्ट पारे । राष्ट्रपति विद्यादेवी भण्डारीले वैकल्पिक सरकार गठनका लागि दिएको समय सकिनै लाग्दा जसपा अध्यक्ष ठाकुर र वरिष्ठ नेता महतोले बिहीबार साँझ प्रधानमन्त्री ओली भेट्न बालुवाटार पुगे ।

त्यसअघि उनीहरूले कांग्रेस सभापति शेरबहादुर देउवा भेटेर सरकार निर्माणमा सहकार्य गर्न नसकिने जवाफ दिएका थिए । माओवादी केन्द्रको बिहीबार बसेको स्थायी कमिटी बैठकले समेत यही निष्कर्ष निकाल्दै बहुमतीय सरकार बनाउने सम्भावना नरहेको जनाएको छ । यो समाचार आजको राजधानी दैनिकमा छ । 

प्रतिक्रिया दिनुहोस्

संबन्धित समाचार

काठमाडौँ, ३१ असोज । नेकपा (एकीकृत समाजवादी) ले तीन सय ३५ सदस्यीय केन्द्रीय कमिटी बैठक गठन गरेकाे छ । केन्द्रीय

काठमाडौँ, ३१ असोज । गृहमन्त्री बालकृष्ण खाँणले नेत्र विक्रम चन्द विप्लव नेतृत्वको नेपाल कम्युनिष्ट पार्टी (नेकपा) सँग नेपाल सरकारले गरेको सहमति

काठमाडौँ, ३१ असोज । जसपामा भाडभैलो सुरु भएको छ । मन्त्रिमण्डल गठनमा अध्यक्ष उपेन्द्र यादवले एकलौटी गरेपछि जसपामा भाडभैलो मच्चिएको हो

काठमाडौँ, ३१ असोज । गैरआवासीय नेपाली संघ (एनआरएनए) को कार्यकाल ६ महिना थप गरिएको छ । संघको शनिबार सम्पन्न बैठकले विधानको

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021