काठमाडौँ, २७ वैशाख । राप्रपा अध्यक्ष कमल थापाले नेकपा एमालेका अध्यक्ष तथा प्रधानमन्त्री केपी शर्मा ओलीलाई दुई वटा ऐतिहासिक कामहरुले गर्दा युगौं युगले समेत सम्झने बताउनुभएको छ ।
प्रधानमन्त्री ओलीले लिम्पियाधुरा, लिपुलेक तथा कालापानी समेटेर नेपालको नक्सा तथा संविधान नै संशोधन गर्नुभएको र नेपाललाई शान्तिको देश स्थापना गर्न डा. सिके राउतलाई मुलधारमा ल्याउन खेल्नुभएको भूमिकाले ऐतिहासले समेत सम्झाने अध्यक्ष थापाले बताउनुभयो । अध्यक्ष थापाले लिम्पियाधुरासहितको ‘चुच्चे’ नक्साको कामले सधैँभरी प्रधानमन्त्री केपी शर्मा ओलीको सम्झना भैरहेको बताउनुभो । उहाँले समाजिक सञ्जाल ट्वीटरमा प्रधानमन्त्री ओलीलाइ मेन्सन गर्दै टिप्पणी गदै चुच्चे नक्सा र विखण्डनकारी सिके राउतलाई मुलधारमा ल्याउने कामको निम्ति ओलीको सम्झना भैरहने उल्लेख गर्नुभएको छ ।
उहाँले भन्नुभएको छ ‘नाटकिय परिवर्तन भएन भने आज प्रम केपी शर्मा ओलीकोले संसदमा बिश्वासको मत गुमाउनु हुनेछ । आजै राजीनामा आउला । फेरि प्रम बन्न सक्नुहोला । जेहोस् अनेक विवाद र असफलताका वावजुद लिम्पियाधुरासहितको ‘चुच्चे’ नक्सा प्रकाशन र विखण्डनकारी सिके राउतलाई मुलधारमा ल्याउने कामको निम्ति ओलीको सम्झना भैरहने छ ।’