माधव पक्षका सांसदले राजिनामा गर्ने कुरा ‘चर्चाको लागि गरिएको हल्ला’: नेता नेम्वाङ

काठमाडौँ, २६ वैशाख । एकपा एमालेका नेता तथा संसदीय दलका उपनेता सुवास नेम्वाङले माधव कुमार नेपाल समूहले सामुहिक रुपमा राजिनामा दिने भन्ने कुरा चर्चाको लागि गरिएको हल्ला भएको बताउनुभएको छ ।

राजिनामा दिन सिंहदरवारमा माधव समूहका सांसदहरुको भेला भइरहेको र आजनै राजिनामा दिने भन्ने कुरा चर्चा कमाउन गरिएको हल्ला भएको स्वयं नेपालले नै बताउनुभएको नेता नेम्वाङले बताउनुभयो । आज सिंहदरवारमा माधव नेपालसँग भएको भेटवार्ता पछि पत्रकारहरुलाई संक्षिप्त जानकारी गराउँदै नेता नेम्वाङले एमाललेलाई एकतावद्ध बनाएर लैजाने विषयमा छलफल भएको बताउनुभयो । स्वयम् नेता नेपाललाई नै राजिनामाको वारेमा थाहा नभएको जानकारी गराएको नेता नेम्वाङले बताउनुभयो ।

उहाँले भन्नुभयो, ‘हामीले राजिनामाको कुरा के हो भनि प्रश्न गरेका थियौ । माधव कुमार नेपालले उक्त कुरा आफुलाई समेत थाहा नभएको बताउनुभयो । त्यसैले उक्त कुरा चर्चाको लागि गरिएको हल्ला मात्र हो । वास्तविकता हैन ।’ आज भोली नै पुनः नेता नेपालसँग छलफल गरी पार्टी भित्रको समस्या समाधान गर्ने तयारी भएको जानकारी दिँदै नेता नेम्वाङले पार्टी अध्यक्ष तथा प्रधानमन्त्री केपी शर्मा ओलीसँगको आन्तरिक छलफल पछि पुनः वार्ता हुने बताउनुभयो ।

छलफलमा अर्थमन्त्री तथा एमालेका नेता विष्णु पौडेलको समेत सहभागिता रहेको थियो । उहाँले पनि माधव पक्षका सांसदहरुले राजिनामा दिने कुनै कुरा नभएको बताउनुभयो । उहाँका अनुसार पार्टी एक बनाउने विषयमा विविध कोणबाट छलफल भइरहेको जानकारी दिनुभयो ।

प्रतिक्रिया दिनुहोस्

संबन्धित समाचार

काठमाडौँ, १५ ममंसिर । राष्ट्रपति विद्यादेवी भण्डारीले विभिन्न ६ वटा अध्यादेश जारी गर्नुभएको छ । राष्ट्रपति मन्त्रिपरिषद्को सिफारिसमा राष्ट्रपतिले बुधबार

काठमाडौँ, १५ मंसिर । चितुवाको छाला सहित प्रहरीले काठमाडौँबाट ३ जनालाई पक्राउ गरेको छ । पक्राउ पर्नेमा नुवाकोटको शिवपुरी गाउँपालिका

काठमाडौँ, १५ मंसिर । पछिल्लो २४ घण्टामा काठमाडौँ उपत्यकामा थप १५० जना कोरोना भाइरस पुष्टि भएको छ । स्वास्थ्य मन्त्रालयकाका

काठमाडौँ, १५ मंसिर । प्रधानमन्त्री शेरबहादुर देउवाले देश र विदेशका लगानीकर्तालाई ढुक्क भएर नेपालमा लगानी गर्न आग्रह गरेका छन । आज

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021