न्यूर्योक, २३ वैशाख । मिस युनिवर्स प्रतियोगिताको ६९औं संस्करणमा नेपालको प्रतिनिधित्व गर्दै अंशिका शर्मा अमेरिका आइपुग्नु भएको छ । मिस युनिवर्स प्रतियोगिताको लागि अंशिका अमेरिका आउनुभएको हो । मिस युनिवर्स यही मे १६ का दिन हलिवुड (फ्लोरिडा) को सेमिनोल हार्ड रक होटल एण्ड क्यासिनोमा हुँदैछ ।
विश्वका ७४ देशका सुन्दरीहरुमार्फत छानिने २१ ले पहिलो बन्नको लागि ‘मिस युनिभर्स’मा प्रतिस्पर्धा गर्नेछन् । त्यसबाट क्रमशः १०, ५ हुँदै विजेता घोषणा हुनेछ । विश्व प्रसिद्ध ‘मिस युनिभर्स’को फ्रेन्चाइज नेपालमा भित्र्याएकी नग्माले सन् २०१७ को ‘मिस युनिभर्स’मा नेपाललाई प्रतिनिधित्व गर्दै पहिलो पटक सहभागिता जनाउनुभएको थियो ।
वर्तमान विश्वब्यापी रुपमा फैलिएको कोभिड १९ को महामारीको कारण अंशिका र ब्रेभ बोल्ड एंड ब्युटीफुल टिमले विगतमा जस्तै औपचारिक रुपमा पत्रकार सम्मेलन आयोजना नगर्ने निर्णय गर्दै यसको सट्टा अंशिकाले प्रतियोगिताको पूर्वतयारी रेकर्ड गराएको जनाएको छ ।
अंशिकाको साहस र उदारताको कथाले तेस्रो लकडाउनमा प्रवेश गर्दै गरेको एक राष्ट्रलाई केही राहत मिल्ने विश्वास लिइएको छ । अंशिकाले भन्नुभएको छ, ’यस यात्राको हरेक पाइलामा तपाईहरु सबै हाम्रो सम्झनामा हुनुहुन्छ र हामी एकजुट भएर विजय हासिल गर्ने कुरामा पनि विश्वश्त छौं ।
६९ औं मिस युनिवर्स प्रतियोगिता मे १६ बेलुका ८ बजे (मियामी समय ) मा प्रत्यक्ष प्रशारण हुँदैछ । नेपाली समय मे १७ बिहान ५ः४५ मा हुनेछ ।त्यसैगरी राष्ट्रीय पोशाक शो मे १३, बेलुका ८ बजे (मियामी समय) हुँदैछ । नेपाली समय मे १४ बिहान ५ः४५ मा हुने भएको छ ।
