काठमाडौँ, २० वैशाख । लुम्विनी प्रदेशको हिजो भएको मुख्यमन्त्री शंकर पोखरेल विरुद्धको हस्ताक्षरमा एमालेका दुई सांसदले हस्ताक्षर गरेको भनि माओवादीले किर्ते गरी प्रदेश प्रमुख समक्ष दावी पेश गरेको तथ्य खुल्न आएको छ ।
माओवादी तथा कांग्रेसको गठबन्धनका तर्फबाट कुल प्रसाद केसीले नक्कली हस्ताक्षर गरी प्रदेश प्रमुख समक्ष दावी प्रस्तुत गरेको खुलेको हो । एमाले तर्फबाट सांसद बन्नुभएका धर्मबहादुर लाल श्रीवस्तव र अजय शाहीले आफ्नो पक्षमा रहेको भन्दै माओवादी कांग्रेसको गठबन्धनका तर्फबाट कुलप्रसाद केसीले प्रदेश प्रमुख समक्ष हस्ताक्षर बुझाउनुभएको थियो ।
तर सांसद श्रीवस्तव र शाहीले आज उक्त कुराको खण्डन गर्दै आफुहरु एमालेका तर्फबाट निर्वाचित भएको साथै एमालेमा कटिवद्ध रहेको उल्लेख गर्दै केसीले हस्ताक्षरको दुरुपयोग गरेको विज्ञप्ती मार्फत जानकारी दिनुभएको छ ।
