एसओएस वालग्रामका वालवालिकालाई कोभिडबाट जोगाउन थप तयारी

भक्तपुर, १४ बैशाख । विश्वव्यापी महामारीको रुपमा फैलिएको कोरोना भाइरस कोभिड-१९ को नयाँ भेरियण्ट संक्रमणबाट वालग्राममा आश्रीत वालवालिकालाई बचाउन एसओएस वालग्राम नेपालले विभिन्न उपाय अवलम्वन गरेको छ ।

एसओएस वालग्राम नेपालका राष्ट्रिय निर्देशक इश्वरीप्रसाद शर्माका अनुसार मुलुकभर रहेका १० वटा वालग्राममा रहेका १ हजार २६० जना वालवालिकाको स्वास्थ्य सुरक्षाका लागि वालग्रामले स्वास्थ्य सुरक्षा सचेतना अपनाउनुको साथै संरक्षणमा रहेका वालवालिकालाई कोभिड संक्रमण भएमा आइसोलेशनको लागि हरेक वालग्राममा छोरा र छोरीका लागि २ वटा अलग कोठाको व्यवस्था गरेकोे छ । साथै हरेक वालग्राममा स्वास्थ्यकर्मीको समेत व्यवस्था गरिएको छ ।

हाल भक्तपुरको सानोठिमी, बनेपा, जोरपाटी, पोखरामा रामबजार र छोरेपाटन, भरतपुर, भैरहवा, सुर्खेत र धनगढिमा गरी १० वटा वालग्राम सञ्चालनमा रहेको छन् भने ती वालग्राममा १ हजार २६० जना वालवालिकाका संरक्षणमा छन् । वालग्रामद्वारा सञ्चालित हर्मन माइनर विद्यालय भएको ठाउँमा भने विद्यालयलाई नै अस्थायी आइसोलेशन कक्ष बनाउने तयारी गरिएको छ । तर सो आइसोलेशनमा वालग्राम बाहेक वाहिरी संक्रमित बस्न पाउने छैनन ।

वालग्रामका वालवालिकाको स्वास्थ्यमा थप जटिलता देखिएमा वालग्राम नजिकको अस्पतालसंग समन्वय गरि तत्काल थप उपचारको लागि लैजान वालग्रामको सवारी साधनलाई २४ सै घण्टा तयारी अवस्थामा राखिएको पनि वालग्रामका राष्ट्रिय निर्देशक शर्माले बताउनुभयो । सरकारले कोरोना संक्रमणको भयावह अवस्थालाई मध्यनजर गर्दै यही बैशाख १६ गतेदेखि काठमाण्डौ उपत्यकालगायत देशका मुख्य शहरहरुमा लकडाउन गर्ने घोषणा गर्नुअघि नै एसओएस वालग्रामले आफ्ना वालवालिकाको स्वास्थ्यलाई ख्यालमा राखि १० वटै वालग्रामभित्र वाहिरी आगन्तुक र पाहुनाको आवागमनमा समेत रोक लगाईसकेको छ भने वालग्रामबाट वालवालिकालाई वाहिर आउन जान समेत रोक लगाईसकेको छ ।

यसैगरी, वालग्रामद्वारा सञ्चालित हर्मन माइनर विद्यालयले भौतिक रुपमा विद्यालय बन्द गरेको एक साता भईसकेको छ भने अनलाईन विधिबाट अन्तिम परिक्षा लिने काम सकिसकेको र यसै हप्ता अनलाइनबाटै परिक्षाफल प्रकाशित गरिने तयारी भईरहेको एसओएस वालग्राम सानोथिमीका निर्देशक खगेन्द्र नेपालले बताउनुभयो । लकडाउन अवधिमा वालग्रामका वालवालिकाहरुलाई नियमित खेलकूद, योगा, ध्यान, हस्तकला, चित्रकला, लेखन तथा पाठ्यक्रम बाहिरका पुस्तक अध्ययनको व्यवस्था समेत मिलाइएको छ । ‘सबै वालवालिकाको लागि मायालु घर’को रुपमा परिचित एसओएस वालग्रामले विगत ५० वर्षदेखि आफ्नो जन्म दिने बाबुआमा गुमाएका वालवालिकालाई उचित स्याहार, संरक्षण, रेखदेख र गुणस्तरीय शिक्षादिक्षाको साथै सक्षम भएपछि उनीहरुलाई समाजमा पुर्नस्थापना गर्ने काम गर्दै आएको छ ।

प्रतिक्रिया दिनुहोस्

संबन्धित समाचार

भक्तपुर, २९ बैशाख । भक्तपुरका अस्पतालहरुमा अक्सिजन सकिँदा भर्ना भएका बिरामीलाई बचाउन र नयाँ बिरामी भर्ना गर्न कठिन भएको छ

काठमाडौँ, २९ बैशाख । २५ जना जुवाडेलाई  काठमाडौँबाट प्रहरीले पक्राउ गरेको छ । प्रहरीले मंगलबार १० लाख ९७ हजार नगदसहित २५

डोटी, २९ बैशाख । कोरोना नियन्त्रण तथा रोकथामका लागि अग्रपंक्तिमा खटिने जिल्लाका १२ स्वास्थ्यकर्मीमा कोरोना संक्रमण देखिएको छ । जिल्ला

महोत्तरी, २९ बैशाख । लागुऔषधसहित महोत्तरीबाट दुई जना पक्राउ परेका छन् । प्रहरीका अनुसार औरही नगरपालिका वडा नम्बर ४ कठुधारबाट सोही

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021