काव्यस्कुल र इजरायली राजदूतावासबीच सहकार्य: प्रयोग भएको सुख्खा ब्याट्री संकलन गर्न राजदूतको आग्रह


काठमाडौं, २५ चैत । बलराम प्यासी । रेडियो, टर्चलाईट, रिमोट कन्ट्रोल, केटाकेटीका खेलौना लगायतमा प्रयोग भएका साना सुख्खा ब्याट्री, घरबाट निस्किने अन्य फोहोरसंगै मिसाएर फ्याँक्दा यसले जमिन र पानीमा नकारात्मक असर गर्छ भन्ने तथ्य प्रायःले सामान्य रुपमा लिने गरेका छन् ।

तर नेपालकालागि इजरायली राजदूत हनान गोदर भने जनस्वास्थयमा प्रत्यक्ष असर गर्ने यस्ता सुख्खा ब्याट्रीको व्यवस्थापनगर्ने विषयमा स्कुले विद्यार्थीहरुलाई सिकाउन लागि परेका छन् ।

नयाँबानेश्वरस्थित काव्य स्कुलमा बुधबार पानीको खाली जारसहित उपस्थित भएका राजदूत गोदरले सो विद्यालयका प्रिन्सिपल, सञ्चालक र शिक्षकहरुलाई अनुरोध गर्दै विद्यार्थी र शिक्षकहरुले आफ्नो घरमा प्रयोग भईसकेका सुख्खाब्याट्री जथाभावी रुपमा नफ्याँकी संकलन गरेर ल्याई स्कुलमा राखिएको पानीको खालीजारमा जम्मा गर्न आग्रह गरे ।

नेपालस्थित इजरायली राजदूतावासको पहलमा राजधानीका विभिन्न विद्यालयका विद्यार्थीहरुलाई प्रयोग भईसकेको यस्ता सुख्खा ब्याट्री संकलन र व्यवस्थापन गर्दै वातावरण जोगाउन प्रोत्साहन गर्ने उद्धेश्यले उनी बुधबार काव्य स्कुलमा पुगेका थिए । प्रयोग भईसकेको सुख्खा ब्याट्री जथाभावी फ्याँक्नाले जमिन र पानीमा केमिकल (एसिड) मिसिँदा जमीन र पानीमा रहेका किरा फट्यांग्रा र जीवजन्तुलाई नकारात्मक असर गर्ने र माटोको उर्वारा शक्ति नष्ट गर्ने बताउँदै राजदूत गोदरले अहिलेसम्म कसैले चासो नदिएको यस्ता ब्याट्रीहरुको समयमै व्यवस्थापन गरी वातावरण संरक्षणमा जोड दिनुपर्ने बताए ।

काव्य स्कुलमा राखिएको पानीको खालीजारमा प्रिन्सिपल, सञ्चालक र शिक्षकहरुबाट केहीसुख्खा ब्याट्री खसाल्न लगाएका राजदूतगोदरले यस्ता सुख्खा ब्याट्रीले जार भरिएपछि राजदूतावासलाई खवर गर्नुपर्ने र राजदूतावासले ब्याट्रीसहितको सो जार संकलनगरि सम्वन्धित संस्थामा नष्ट गर्न पठाउने पनिबताए । काव्य स्कुलका विद्यार्थीहरुले वातावरण संरक्षणको क्षेत्रमागर्दै आएका कृयाकलापको प्रशंसा गर्दै राजदूतगोदरले विद्यालयले आयोजनागर्ने टोल सरसफाई कार्यक्रममा आफु समय मिलाएर सहभागी हुने वचनवद्धता पनि व्यक्त गरे ।

उनले नेपाल र इजरायलवीच रहेको कुटनैतिक सम्वन्धबारे पनि प्रकाशपार्दै दुुई देशवीचको मित्रता भविष्यमा अझै समुधुर हुने पनि विश्वास व्यक्त गरे । नेपालमा विश्वकै अग्लो शिखर सगरमाथा रहेको र इजरायलमा विश्वकै सबैभन्दा होचो स्थान मृत सागर रहेको पनि उनले चर्चा गरे । कार्यक्रममा काव्य स्कुलका संस्थापक प्रिन्सिपल नवराज बास्कोटाले नेपाल र इजरायलवीचको सम्वन्ध, शैक्षिक, कृषि र वातावरण लगायतका विषयमा चर्चा गर्दै रादूतावास र विद्यालयवीच बुधबारदेखि कायमभएको नयाँ सम्वन्धले सकारात्मक सन्देश दिएको बताए ।

नेपाल सरकारले अझैपनि शिक्षण पेशामा आवद्ध भएकाशिक्षक र कर्मचारीहरुलाई कोरोना विरुद्धको खोप लगाउने प्राथमिकताको सूचिमा नराखेको गुनासो गर्दै राजदूतावासबाट कोरोना विरुद्धको निशुल्कखोपको लागिपहलगर्न आग्रह गरे ।

त्यस अवसरमा विद्यालयका सञ्चालकहरु धर्मेन्द्र प्रकाश राजभण्डारी, सुनिलकुमार घर्ती, दिलिपथापा, रिजन खड्का र प्रेम अर्यालको साथै सिनियर सेक्सन इन्चार्ज चक्र दवाडी तथा जुनियर सेक्सनइन्चार्ज सन्ध्या रिजाललगायत विषयगत शिक्षकहरुको सहभागिता थियो ।सामाजिक विज्ञान शिक्षक गणेशप्रसाद दाहालले कार्यक्रमको उद्धेश्यबारे प्रकाश पार्नुभएको थियो । राजदूत गोदरलाई विद्यालयको तर्फबाट संस्थापक प्रिन्सिपल नवराज बास्कोटाले गणेशको प्रतिमूर्ति उपहार दिएकाथिए ।

प्रतिक्रिया दिनुहोस्

संबन्धित समाचार

काठमाडौँ, ५ बैशाख । मुम्बई इन्डियन्स इन्डियन प्रिमियर लिग (आईपीएल) मा लगातार दोस्रो जित हात पार्दै शीर्ष स्थानमा उक्लेको छ

काठमाडौँ, ५ बैशाख । बार्सिलोनाले स्पानिस कोपा डेल रेको फुटबलको उपाधि जितेको छ । शनिबार राति भएको फाइनलमा मेसीको दुई

काठमाडौँ, ४ बैशाख । त्रिदेशीय टी–ट्वान्टी शृङ्खलाको पहिलो खेलमा नेपालले शानदार जित हात पारेको छ । त्रिवि क्रिकेट मैदानमा नेपालले नेदरल्याण्ड्सलाई ९ विकेटले

काठमाडौँ, ४ बैशाख । महेन्द्र सिंह धोनीले इन्डियन प्रिमियर लिग (आईपीएल)मा चेन्नाई सुपर किंग्सका लागि दुई सयौँ खेल खेल्दा चेन्नाई

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021