काठमाडौँ, २१ चैत । प्रधानमन्त्री केपी शर्मा ओलीले आज एकै पटक एक सय ६५ वटा सडकको शिलान्यास गर्नुभएको छ ।
भौतिक पूर्वाधार तथा यातायात मन्त्रालयको आयोजनामा निर्वाचन क्षेत्र रणनीतिक सडक कार्यक्रम अन्तरगत देशभरका १ सय ६५ निर्वाचन क्षेत्रमा एक एक वटा ठूला सडकहरुको आज प्रधानमन्त्री निवास वालुवाटारबाट स्वीच अन गरी प्रधानमन्त्री ओलीले शिलान्यास गर्नुभएको हो । प्रधानमन्त्री ओलीले शनिबार विहान ११ बजे बालुवाटारस्थित निवासबाटै सडक शिलान्यास गर्नुभएको हो । यो सँगै अब कुनै पनि स्थानीय तह मुख्य सडकबाट बञ्चित हुनुपर्ने छैन । उक्त सडकहरु आगामी तीन वर्षभित्रमा निर्माण सम्पन्न गर्ने लक्ष्य बनाइएको छ ।
सांसदहरुले ठूलो दरमा स्थानीय पूर्वाधार विकास कार्यक्रममा बजेट मागेपछि चालु आर्थिक वर्षको बजेटमार्फत सरकारले एक निर्वाचन क्षेत्रमा एउटा सडक बनाउने गरी कार्यक्रम ल्याएको थियो । यो वर्ष सरकारले प्रत्यक निर्वाचन क्षत्रेमा एउटा सडक बनाउने कार्यक्रमका लागि ३ अर्ब २० करोड बजेट छुट्याएको छ । बहुवर्षीय ठेक्का अन्तरगत बन्ने यस्ता अधिकांश सडकहरुको विस्तृत परियोजना प्रतिवेदन ९डीपीआर० र वातावरणीय अध्ययन तयार भएको छैन ।
गत फागुनमा प्रधानमन्त्री ओलीले मदन भण्डारी राजमार्गको धरान–बाहुनडाँगी खण्डमा बन्ने ३१ वटा पुलको पनि एकैपटक शिलान्यास गरेका थिए ।
